У Афганістане адбылося масавае атручэнне школьніцаў
Вучаніцы адной са школаў у афганскай сталіцы, Кабуле, трапілі ў шпіталь з атручэннямі.
Як інфармуе Радыё "Свабода", дзяўчатам стала кепска пасля таго, як яны адчулі пах нейкага газу ў класе.
Паводле Міністэрства адукацыі Афганістану, шпіталізавана 20 школьніцаў. Аднак доктар Кабульскага шпіталю Амін паведаміў агенцтву Reuters, што агулам у шпіталь трапілі 150 дзяўчат — 10 з іх у крытычным стане. Паводле супрацоўнікаў шпіталя, яны маглі атруціцца і нейкім пітвом.
Дарэчы, у мінулым былі выпадкі нападаў на вучаніц афганскіх школ з боку тых, хто выступае супраць адукацыі для дзяўчат.
Фота — Reuters
