Туск прапануе вылучыць Ціханоўскіх на Нобелеўскую прэмію міра
Прэзідэнт Еўрапейскай народнай партыі, былы кіраўнік Еўрапейскага саюза і экс-прэм'ер Польшчы Дональд Туск прапануе, каб ЕС вылучыў Святлану і Сяргея Ціханоўскіх на Нобелеўскую прэмію міра. "Я веру, што гэта будзе моцным сігналам... каб выказаць павагу ўсім беларусам, якія бяруць удзел у гэтым самым мірным руху за апошнія гады", — напісаў ён у Twitter.
У іншым твіце Туск адзначыў: "Ніхто з нас не ведае, як і калі скончыцца іх [беларусаў] барацьба за свабоду, але мы ведаем, хто мае рацыю".
Святлана Ціханоўская вымушана знаходзіцца ў замежжы, яе муж Сяргей Ціханоўскі з 29 траўня за кратамі ў Беларусі.
“I believe it will be a strong signal if the EU nominates Svetlana Tikhanovskaya and her husband Sergei, who is still in prison, for the Nobel Peace Prize, to pay tribute to all Belarusians engaged in this most peaceful movement in years”.
— Donald Tusk (@donaldtuskEPP) September 9, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
