Тэртэль: КДБ мае звесткі, што ў Беларусі рыхтуецца правакацыя
![Тэртэль: КДБ мае звесткі, што ў Беларусі рыхтуецца правакацыя](/sites/default/files/styles/gallery_main/public/2023-08/tertel-1610.jpg.webp?itok=HS_3DSaT)
Камітэт дзяржбяспекі паведаміў, што ў Беларусі рыхтуецца правакацыя. Звесткі пра гэта, маўляў, паступаюць з розных крыніц, у тым ліку "ад нашых партнёрскіх спецслужбаў" з-за мяжы.
"Мэта гэтых дзеянняў — дэстабілізацыя сітуацыі ў нашай дзяржаве на фоне відавочнага змяншэння вулічнай актыўнасці і зрыву планаў па памкненнях да працоўных калектываў, студэнцтва з мэтай інспірацыі пратэставага руху", — прыводзіць БЕЛТА словы старшыні КДБ Івана Тэртэля. У цяжкіх наступствах правакацыі, кажа ён, плануецца абвінаваціць сілавыя структуры Беларусі.
Праўда, падзеі апошніх двух месяцаў паказваюць, што беларускіх сілавікоў спецыяльна абвінавачваць не трэба: яны добра спраўляюцца самі.
"У гэтых умовах камітэтам ва ўзаемадзеянні з іншымі праваахоўнымі органамі праводзіцца комплекс мерапрыемстваў па праверцы інфармацыі, высвятленні ўсіх датычных асоб і прыцягненні іх да адказнасці", — заявіў Тэртэль.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.