Сяргей Крывец: Асабліва не перажываю, што не згуляю з Францыяй
Траўмаваны футбаліст польскага "Леха" і нацыянальнай зборнай Беларусі найхутчэй будзе глядзець сённяшні матч па тэлевізары са сваёй сям'ёй.
Еўрарадыё: Ці перажываеце з-за таго, што не згуляеце сёння супраць Францыі?
Крывец: “Траўма — гэта неадемная частка жыцця футбаліста, таму адношуся да гэтага спакойна. Хацелася б сыграць, дапамагчы зборнай Беларусі, але не выйшла. Але асабліва з гэтай нагоды не перажываю”.
Еўрарадыё: А вы будзеце глядзець матч? Калі так, то дзе — дома ці на стадыёне?
Крывец: “Хутчэй за ўсё буду глядзець па тэлевізары. Напэўна, са сваёй сям’ёй”.
Еўрарадыё: Які ваш прагноз на сённяшні матч?
Крывец: “Я не аматар прагнозаў, тым больш, што будзе каманда зборнай Беларусі, у якой я граю. Хачу проста пажадаць поспеху нашай зборнай. Папрашу і балельшчыкаў на стадыёне і тых, хто будзе па тэлевізары глядзець, аддаць усе свае пазітыўныя флюіды, каб нашай камандзе пашанцавала і яна дамаглася вялікіх вынікаў”.
Еўрарадыё: Чаго можна чакаць ад французаў?
Крывец: “Зборная Францыі — гэта такая каманда і такія футбалісты, што акрамя перамогі, я думаю, у іх іншай мэты няма”.
Еўрарадыё: Акрамя вас, з розных прычынаў, сёння не згуляюць многія футбалісты асноўнага складу, як гэта можа паўплываць на гульню?
Крывец: “Я спадзяюся, што гэта не паўплывапе на гульню каманды. Ёсць і іншыя футбалісты, якія годныя граць у зборнай, для іх гэта шанец. Я ўпэўнены, што тыя, хто зараз знаходзіцца ў нашай камандзе яны на добрым узроўне”.
Еўрарадыё: Што кажуць дактары, калі мы вас пабачым на полі?
Крывец: “Не ведаю. Зараз адпачынак пачынаецца, месяц адпачынку. Спадзяюся за гэты час папраўлю сваё здароўе і ў наступным сезоне чакаю вяртання”.
Фота — budzma.org