Супраць Абсалютбанка пачалі крымінальную справу з-за забойства касіра

Пракуратура Мінска распачала крымінальную справу ў дачыненні да службовых асоб Абсалютбанка ў сувязі з забойствам касіра абменніка ва ўніверсаме "Аўтазаводскі".
Як распавёў прадстаўнік Генпракуратуры Пётр Кісялёў, на дадзеным этапе
яшчэ не вызначана у адносінах каго канкрэтна будзе праводзіцца
расследаванне. Трэба вызначыць, хто адказваў за арганізацыю мер бяспекі
ў пункце абмену валют.

Па словах Кісялёва, расследаванне крымінальнай
справы знаходзіцца на кантролі ў Генпракуратуры, створана
аператыўна-следчая група, у якую ўвайшлі чатыры пракуроры.

Следства
адпрацоўвае розныя версіі забойства, выяўлены я доказы, якія могуць
служыць ключом да раскрыцця злачынства. Адна з версій следства — касіра
маглі забіць “гастралёры”, перадае “Інтэрфакс-Захад”.