Стала вядома пра затрыманні ў Фаніпалі
Фаніпаль / realt.by
Увечары 26 лютага адбыліся затрыманні ў Фаніпалі, пішуць праваабаронцы "Вясны".
Паводле папярэдняй інфармацыі, на затрыманых складаюць адміністрацыйныя пратаколы за "непадпарадкаванне" і будуць судзіць.
Фаніпаль размешчаны за 30 кіламетраў ад Мачулішчаў, дзе ўчора паведамлялася пра дыверсію з расійскім самалётам дальняй разведкі ДРЛВ А-50. Яго выкарыстоўвалі для навядзення расійскіх ракет на цэлі ва Украіне.
Дарэчы, у Мачулішчах увечары 26 лютага была затрыманая Крысціна Максіменка. Прычына затрымання невядомая.
Таксама аб'яднанне экс-сілавікоў Bypol паведаміла, што ў Беларусі правяраюць сацсеткі, каб выявіць тых, хто негатыўна каментуе падрыў расійскага самалёта.
