Стала вядома пра затрыманні ў Фаніпалі
![Фаніпаль / realt.by](/sites/default/files/styles/gallery_main/public/2023-08/fanipal-2702.jpg.webp?itok=2EWxL739)
Фаніпаль / realt.by
Увечары 26 лютага адбыліся затрыманні ў Фаніпалі, пішуць праваабаронцы "Вясны".
Паводле папярэдняй інфармацыі, на затрыманых складаюць адміністрацыйныя пратаколы за "непадпарадкаванне" і будуць судзіць.
Фаніпаль размешчаны за 30 кіламетраў ад Мачулішчаў, дзе ўчора паведамлялася пра дыверсію з расійскім самалётам дальняй разведкі ДРЛВ А-50. Яго выкарыстоўвалі для навядзення расійскіх ракет на цэлі ва Украіне.
Дарэчы, у Мачулішчах увечары 26 лютага была затрыманая Крысціна Максіменка. Прычына затрымання невядомая.
Таксама аб'яднанне экс-сілавікоў Bypol паведаміла, што ў Беларусі правяраюць сацсеткі, каб выявіць тых, хто негатыўна каментуе падрыў расійскага самалёта.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.