Вы тут

Спіс экстрэмісцкіх матэрыялаў папоўнены новым Telegram-каналам

Акрамя самога Telegram-канала ў "чорны спіс" трапіў яго чат у гэтай сацсетцы і старонка ў Instagram​

Інфармацыйная прадукцыя Telegram-канала "ГрДУ-Перамен! ГрГУ-Перемен", Telegram-чата "ГрДУ-Перамен! ЧАТ | ГрГУ-Перемен! ЧАТ", старонкі ў сацыяльнай сеткі Instagram "grsu.peremen" прызнаная экстрэмісцкімі матэрыяламі, паведамляе Генеральная пракуратура.

Падставай для таго, каб інфармацыйная прадукцыя гэтага канала была прызнаная экстрэмісцкай, паслужыла заява пракуратуры Гродна. Суд цалкам яе задаволіў.

Раней у аўторак па заяве суда Чыгуначнага раёна Гомеля была прызнаная экстрэмісцкімі матэрыяламі інфапрадукцыя Telegram-канала "Беларускі партызан".

У Беларусі прызнаныя "экстрэмісцкімі" больш за дзве сотні Telegram-каналаў і чатаў. Беларускае заканадаўства не забараняе іх чытаць, але МУС папярэджвае аб адказнасці за распаўсюд інфармацыі, якую яны ўтрымліваюць.

Поўны спіс экстрэмісцкіх матэрыялаў прыведзены на сайце Мінінфарма.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.