СМІ: Санкцыі ЗША могуць закрануць і лідараў украінскай апазіцыі
Санкцыі, якія можа ўвесці адміністрацыя Барака Абамы, могуць закрануць не толькі прадстаўнікоў улады, але і некаторых лідараў ўкраінскай апазіцыі.
Пра гэта паведамляе Reuters са спасылкай на ананімныя крыніцы. Нагадаем, што Вашынгтон ужо адклікаў візы для шэрагу ўкраінскіх чыноўнікаў.
Цяпер жа гаворыцца, што лідары пратэстаў таксама могуць трапіць пад санкцыі — у выпадку абвастрэння гвалту, адзначае unian.net. Праўда, параметры магчымых санкцыяў пакуль яшчэ не выпрацаваныя.
Фота — 112.ua
