Дырэктар Анастасіі Заваратнюк абверг інфармацыю пра яе шпіталізацыю
Раней СМІ паведамілі, што з-за цяжкай хваробы ў расійскай актрысы пачаўся ацёк мозга.
Прадстаўнік Анастасіі Заваратнюк Стас Хрыстоў у гутарцы з "РИА Новости" распавёў, што атрымаў ад актрысы паведамленне, у якім яна назвала інфармацыю аб сваёй шпіталізацыі трызненнем.
Раней СМІ паведамілі, што 48-гадовая расійская актрыса Анастасія Заваратнюк трапіла ў рэанімацыю ў вельмі цяжкім стане. Нібыта падчас лекавання анкалагічнага захворвання яе стан пагоршыўся і ў яе пачаўся ацёк мозга.
Анастасія Заваратнюк атрымала папулярнасць ў нулявыя пасля выканання галоўнай ролі ў серыяле "Мая цудоўная няня".