Скончылі кар'еру біятланісты Новікаў, Алянішка, Абраменка і Калінчык
Група беларускіх спартсменаў аб'явіла пра завяршэнне кар'еры.
Як паведамляе "Прессбол", першай пра гэта заявіла 31-гадовая біятланістка Людміла Калінчык. Нядаўна прайшло развітанне спартсменкі з камандай (гл. відэа).
Пазней стала вядома, што аб'явілі пра завяршэнне кар'еры Сяргей Новікаў, Уладзімір Алянішка і Яўген Абраменка. Калі Новікаву 35 гадоў, а Абраменка 27, дык Алянішку толькі 25.
На здымку Людміла Калінчык (трэцяя злева) з сяброўкамі па зборнай Беларусі. Фота — Прессбол
