СК распачаў крымінальную справу па факце аварыі на вуліцы Гая
Неадэкватны кіроўца Audi A8 зладзіў аварыю, у якой загінула два чалавекі і пашкоджана адразу шэсць аўтамабіляў.
Гэта здарылася раніцай 8 лістапада на мінскай вуліцы Гая. Вінаваты ў аварыі кіроўца на вялікай хуткасці ўрэзаўся ў Audi 100, а потым пратараніў яшчэ чатыры аўтамабілі, якія былі прыпаркаваныя ўздоўж праезнай часткі. Потым ён пакінуў свой аўтамабіль і спакойным крокам пайшоў з месца здарэння — пры гэтым мужчына быў толькі ў трусах і ў майцы. Яго затрымала міліцыя.
Па факце аварыі распачатая крымінальная справа. Следчы камітэт правярае абставіны здарэння.
Апроч гэтага следчыя аглядаюць месца жыхарства вінаватага ў аварыі, дзе знайшлі яго жонку і дваіх непаўналетніх дзяцей. На целе блізкіх неадэкватнага кіроўцы былі знойдзеныя пашкоджанні рознай ступені цяжкасц, інфармуе belnovosti.by
