Швейцарыя выклікалася быць пасярэднікам у беларускім канфлікце
Швейцарыя прапаноўвала свае паслугі для вырашэння канфлікту ў Беларусі. Пра гэта кіраўнік МЗС краіны Іньяцыа Касіс паведаміў выданню Tages-Anzeiger.
Па яго словах, у Берне хацелі б, каб улады і апазіцыя сабраліся за адным сталом для пошуку выйсця з крызісу. Аднак рэакцыі афіцыйнага Мінска ў Берне не дачакаліся.
"Мы разумеем гэта так, што ў цяперашні час зацікаўленасці ў пасярэдніцтве Швейцарыі няма", — канстатуе міністр.
Касіс таксама выказаўся наконт справы грамадзянкі Швейцарыі Наталлі Хершэ, асуджанай у Беларусі: Берн працягвае падымаць гэтае пытанне ў размовах з Мінскам, як і іншыя важныя пытанні.
Хершэ асудзілі на 2,5 года калоніі за сарваную з амапаўца балаклаву. Праваабаронцы прызналі яе палітычнай зняволенай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.