СБУ абнародавала перамовы тэрарыстаў пра пастаўку БУКа з Расіі (відэа)
СБУ дала пацверджанне таго, што баевікі атрымалі "Бук-М" з экіпажам з тэрыторыі Расійскай Федэрацыі.
Служба бяспекі Украіны апублікавала размовы баевікоў так званай ДНР, дзе яны гавораць пра атрыманне зенітна-ракетнага комплексу "Бук-М" з тэрыторыі Расіі. ЗРК пераправілі ў Украіну разам з экіпажам. У Першамайск устаноўку даставілі 17 ліпеня, адзначае ТСН.
З размоваў тэрарыстаў з афіцэрамі расійскага ГРУ зразумела, што яны чакаюць не толькі тэхніку і падмацаванне, але і агнявую падтрымку з тэрыторыі Расіі.
Паведамляецца, што СБУ затрымала на мяжы двух расіян, якіх падазраюць у карэкціроўцы агню з ўстаноўкі "Бук". Старшыня СБУ Валянцін Налівайчанка кажа, што ў абодвух расійскія пашпарты, а адзін з іх нават прыехаў з вайсковым білетам, дзе адзначана яго ваенная прафесія — карэкціроўшчык агню.
