Сасновіч прайграла ўжо на старце Аustralian Open
Аляксандра Сасновіч прайграла ўжо на старце Аustralian Open. Беларуская тэнісістка, 77-я ў сусветным рэйтынгу, саступіла прадстаўніцы КНР Жэн Сінвэнь, 111-й ракетцы свету — 3:6, 6:1, 6:7(5:10). Іх паядынак працягваўся 2 гадзіны і 22 хвіліны.
У панядзелак на адкрытым чэмпіянаце Аўстраліі стартуе Вікторыя Азаранка (25). Яе саперніца — Панна Удвардзі (98) з Венгрыі. Матч Арыны Сабаленка (2) і Сторм Сандэрс (135) з Аўстраліі прызначаны на аўторак.
