Знік актывіст “Гавары праўду!” Павел Вінаградаў
Тэлефон хлопца не адказвае пачынаючы з 17-ай гадзіны.
Каля 17-ай гадзіны ён выйшаў з офіса кампаніі “Гавары праўду!”, размешчанага па адрасе К.Маркса, 21. Пасля гэтага яго больш ніхто не бачыў. Ён не прыйшоў на сустрэчу, прызначаную раней, а таксама не з’явіўся дома.
Паплечнікі, сябры і родныя Паўла абзванілі ўсе РАУСы Мінска, а таксама спецпрыёмнік на Акрэсціна, аднак знайсці Вінаградава так і не змаглі. Пошукі працягваюцца.
