За паўгода "бяспечны сэкс" падаражэў утрая
Шэсць месяцаў таму прэзерватывы каштаваля каля 4 тысяч, цяпер — 13 тысяч рублёў.
Як раслі кошты на прэзерватывы, Еўрарадыё распавялі ў прыватнай аптэцы №1 ад "Белтэхфарму".
Супрацоўніца аптэкі: “У шостым месцы каштавалі 3600 рублёў, у жніўні каштавалі ўжо 7900, а ў снежні — 13 тысяч. У тры разы вырас долар — і кошты таксама прыкладна ў тры”.
Цяпер прэзерватывы сталі купляць менш, дадае супрацоўніца. Многія абіраюць танныя прэзерватывы па 4 тысячы.
Дарэчы, у дзяржаўных аптэках таксама кажуць пра падаражэнне прэзерватываў у тры разы за паўгода.