Ва Украіну вязуць кантрабандныя беларускія малочныя прадукты
Толькі за апошнія некалькі дзён на ўкраінска-беларускай мяжы ў Валынскай вобласці адбыліся дзве такія спробы.
Як паведамляюць “Валынскія навіны”, украінскія мытнікі затрымалі беларуса, які спрабаваў правезці 120 бляшанак згушчанага малака і 65 пачкаў масла. Кантрабанду чалавек схаваў сярод асабістых рэчаў ў багажніку аўтамабіля.
Таксама мытнікамі быў затрыманы ўкраінец, які вёз больш за 5 кілаграмаў згушчанага малака і амаль 14,5 кілаграма смятаны.
Нагадаем, што з 1 сакавіка Украіна часова прыпыніла ўвоз на сваю тэрыторыю малака і малочных прадуктаў з Беларусі.
