Урад прыме пастанову аб аб'яднанні з "СБ" чатырох газет
Адпаведнае распараджэнне падпісалі прэм'ер-міністр Міхаіл Мясніковіч і кіраўнік Адміністрацыі прэзідэнта Андрэй Кабякоў.
У адпаведнасці з ім, чатыры рэспубліканскія газеты — "Рэспубліка", "Народная газета", "Знамя юности" і "Белорусская нива" — будуць рэарганізаваны і аб'яднаныя з "Советской Белоруссией".
Міністэрству інфармацыі даручана на працягу 15 дзён унесці на разгляд ураду праект адпаведнай пастановы. Кантроль за выкананнем распараджэння ўскладзены на Адміністрацыю прэзідэнта, адзначае БЕЛТА.
Раней паведамлялася, што ў 2013 годзе на базе газеты "Советская Белоруссия" будзе створаны грамадска-палітычны холдынг. Нядаўна быў арганізаваны выдавецкі дом "Звязда", якія аб'яднаў аднайменную беларускамоўную газету і літаратурна-мастацкую прэсу.
Фота — bymedia.net
