У замежжы арганізавалі збор сродкаў для сям’і Сяргея Каваленкі
Грошы збіраюць беларусы Бельгіі, Нямеччыны і Францыі.
Пра гэта Радыё "Свабода" паведаміў кіраўнік Беларуска-еўрапейскага задзіночання Зміцер Піменаў.
Нагадаем, што віцяблянін Сяргей Каваленка з 19 снежня 2011 года знаходзіцца за кратамі. Яго вінавацяць у парушэнні рэжыму адбыцця пакарання. Пакуль актывіст КХП-БНФ сядзіць у СІЗА, яго сям'я з двума малымі дзецьмі і маці-пенсіянеркай фактычна засталася без сродкаў да існавання.
Дарэчы, што ў Беларусі грамадскія актывісты таксама збіраюць сродкі для сям’і актывіста у розных гарадах.
