У Варшаве пройдзе “Бітва Нацый” (фота, відэа)
Чэмпіянат свету па гістарычным сярэднявечным баі адбудзецца ў польскай сталіцы з 30 красавіка па 3 траўня.
Тут сустрэнуцца нацыянальныя зборныя дванаццаці краін свету, у тым ліку і з Беларусі. Мерапрыемства пройдзе ў форце Бема па вуліцы Ежы Вальдорфа.
У перапынках паміж баямі гледачоў чакае мноства цікавых імпрэзаў: выступы акрабатаў, хадзьба на хадулях, жангляванне нажамі, сярэднявечныя байкі, выступы этна-рокавых гуртоў і шмат іншага.
Адзначым, што зборная Беларусі была заснаваная ў 2009 годзе, а яе аснову склалі прадстаўнікі беларускіх рыцарскіх клубаў "Ордэн храма" і "Белы тур". Каманда налічвае 20 сябраў.
