У Варшаве адцэнзуравалі плакаты канцэрту "Салідарныя з Беларуссю" (фота)
Мэрыі польскай сталіцы не спадабаўся надпіс “22 красавіка Польшча будзе другой Беларуссю”.
У выніку, слова "другой" было заклеяна і замест яго з'явілася "салідарна з". Гэтыя плакаты вісяць па ўсёй Варшаве.
Як інфармуе беларуская служба Польскага радыё для замежжа, аўтары плакату кажуць, што сваёй ідэяй хацелі паказаць палякам, што дыктатура гэта не прыдумка, а рэальнасьць, якая існуе за польскай мяжой. Апрача таго, свой творчы палёт яны матывуюць прыездам беларускіх зорак, "прысутнасць якіх зробіць Варшаву другой Беларуссю".
Нагадаем, канцэрт "Салідарныя з Беларуссю" пройдзе ў нядзелю, 22 красавіка, у Варшаве. На ім выступяць польскія і беларускія музыкі.
