У Расіі чатыры беларусы забілі трох сваіх суайчыннікаў
У Маскве завершанае расследаванне крымінальных справаў пра леташнія забойствы беларусаў.
Так, 9 лютага 2012 года ў Васкрасенскім раёне Масквы быў забіты адзін наш суайчыннік. 14 сакавіка таго ж года яшчэ двух беларусаў забілі ў Арэхава-Зуеўскім раёне Масквы.
Як пішуць расійскія СМІ, забойствы адбыліся пасля таго, як забітыя разам з забойцамі разам распівалі спіртныя напоі. У абодвух выпадках злачынцамі з’яўляюцца адныя і тыя ж людзі. Падчас застолля адбыліся сваркі, якія і скончыліся забойствамі. У першым выпадку беларуса збілі і задушылі, а ў другім двух беларусаў зарэзалі.
У злачынствах абвінавачваюцца грамадзяне Беларусі: 28-гадовы Сяргей Лабзаў, 22-гадовы Юрый Ганковіч, 41-гадовы Алег Чыкмізаў і 32-гадовы Аляксандр Афатніцкі.
Фота — telegraf.by
