У Мінску змянілася кантактная амбасада NATO
З 1 студзеня гэтыя функцыі ў Беларусі выконвае дыппрадстаўніцтва Эстоніі.
На працягу апошніх двух гадоў, са студзеня 2011-га, прадстаўніцтвам NATO у нашай краіне была дыпмісія Францыі, а яшчэ раней — Літвы.
Міністр замежных спраў Эстоніі Урмас Паэт падкрэслівае, што асноўнай задачай кантактнай амбасады найперш з'яўляецца азнаямленне з мэтамі і дзеяннямі Паўночна-атлантычнага блоку, наладжванне і ўмацаванне кантактаў у краіне знаходжання, інфармуе БелаПАН.