У Маскве апазіцыйны мітынг завяршаецца канцэртам (фота+відэатрансляцыя)
На вуліцы выйшлі, па розных ацэнках, ад 30 да 60 тысяч чалавек, якіх не спалохалі пагрозы вялізных штрафаў.
15.50 Мітынг "Марша мільёнаў" скончыўся, ідзе канцэрт.
Журналістка Вольга Раманава падчас выступу заклікала адправіць у адстаўку суддзяў, пракуратуру, Уладзіміра Пуціна і "акупаваць" Следчы камітэт.
Як паведамляе "Газета.Ru", на канцэрце выступаюць Шумаў, Ліпніцкі, Барзыкін, Глеб Самойлаў ды іншыя вядомыя спевакі.
Дарэчы, па заканчэнні апазіцыйнага мітынгу следчыя пачалі адпускаць выкліканых на допыт лідараў апазіцыі.
***
Удзельнікі акцыі "Марш мільёнаў" сабраліся на Пушкінскай плошчы. Адтуль маніфестанты пайшлі да праспекта Сахарава, дзе і пачаўся мітынг. Паводле арганізатараў, у шэсці ўдзельнічалі да 50 тысяч чалавек. Міліцыя называла лічбу ў 10 тысяч чалавек.
Як паведамляе Газета.ru, адну з калонаў ачоліў Сяргей Удальцоў, які не пайшоў на допыт у Следчы камітэт. Іншыя лідары вулічных пратэстаў на допыты пайшлі. Сярод удзельнікаў сённяшняй акцыі — вядомы музыкант Андрэй Макарэвіч.
Выступаючы на мітынгу Сяргей Удальцоў заявіў пра 100 тысяч удзельнікаў акцыі ды запатрабаваў вызвалення палітвязняў і правядзення вольных выбараў.
Наступную буйную акцыю апазіцыі Удальцоў прапанаваў правесці 7 кастрычніка.
Гутарка ў жывым эфіры Еўрарадыё з незалежным журналістам Глебам Давыдзенкам, які знаходзіцца ў Маскве:
Free live streaming by Ustream
Злучэнне трох калон
Раз'яднанне на калоны
Ірына Хакамада
***
Сяргей Удальцоў
Ксенія Сабчак і Ілля Яшын сёння пайшлі на допыт у Следчы камітэт.
Фота — ИТАР-ТАСС, daylife.com
***
Ці не галоўнай падзеяй "Маршу мільёнаў" мусіць стаць прыняццё "Маніфесту свабоднай Расіі". Ім абвяшчаецца стварэнне каардынацыйнага савета палітычных сілаў і грамадзянскай супольнасці, які закліканы рыхтаваць і праводзіць пратэстныя акцыі з мэтай "мірнага ціску на ўладу".
Расійскія ўлады, аднак, не згодныя з такім сцэнаром, пра што сведчаць апошнія падзеі: завядзенне справы "аб масавых беспарадках", ператрусы (яны прайшлі ў блогера Аляксея Навальнага, каардынатара руху "Левы фронт" Сяргея Удальцова і яго жонкі Анастасіі Удальцовай, сустаршыні руху "Салідарнасць" Іллі Яшына і тэлевядоўцы Ксеніі Сабчак) і прыняццё закона аб вялізных штрафах за парушэнні на мітынгах (да 10 тысяч долараў). Падрабязна пра сумы новых штрафаў можна паглядзець тут.
Нагадаем, у Маскве і іншых гарадах Расіі з зімы працягваюцца вулічныя акцыі апазіцыі, якая пратэстуе супраць вяртання да ўлады Уладзіміра Пуціна, патрабуе новых, справядлівых выбараў і вызвалення палітзняволеных.