У Харватыі ўзброеная жанчына абрабавала банк
Здарэнне адбылося ў суботу ў сталіцы — Заграбе.
Жанчына ў цёмных акулярах і з пісталетам уварвалася ў адно з аддзяленняў банка, раззброіла ахоўніка і зачыніла яго разам з супрацоўнікамі і кліентам у прыбіральні. Пасля гэтага яна прымусіла адну з супрацоўніц банка аддаць ёй грошы ў мясцовай валюце — атрымалася каля 50 тысяч еўра. 40-гадовая (на выгляд) налётчыца знікла са здабычай і затрымаць яе пакуль не ўдалося, паведамляе РІА "Новости".
Фота — flickr.com
