У Беларусь не пусцілі ўпаўнаважанага ўраду Нямеччыны
Маркус Лёнінг збіраўся перадаць Аляксандру Лукашэнку пасланне ад міністра замежных спраў Нямеччыны Гіда Вэстэрвеле.
Таксама на працягу трохдзённай паездкі ў Мінск ўпаўнаважаны ўраду ФРГ па правах чалавека павінен быў сустрэцца з актывістамі праваабарончых арганізацый, інфармуе Радыё Свабода.
Associated Press са спасылкай на словы Лёнінга, паведамляе, што ў лісце Вэстэрвеле змяшчаўся заклік да "гуманітарнага вырашэння" асобных крымінальных спраў, як мяркуецца, у дачыненні да палітвязняў.
Таксама Лёнінг планаваў наведаць у турме праваабаронцу Алеся Бяляцкага, які асуджаны на чатыры з паловай гады зняволення.