Сяргей Андросенка: шэсце ў межах гей-прайда законнае
Паводле кіраўніка грамадскай ініцыятывы “ГейБеларусь”, канчатковае рашэнне наконт шэсця будзе прынятае бліжэйшымі днямі.
Актывісты ЛГБТ-руху падавалі ў Мінгарвыканкам заяўку на правядзенне 22 кастрычніка шэсця на перыферыйнай вуліцы ў мікрараёне Сосны. Але гарадскія ўлады адмовілі ім у акцыі. Разам з тым, прадстаўнікі сэксуальных меншасцяў пакуль не адмовіліся ад сваёй мэты правесці шэсце.
Як сказаў у эфіры Еўрарадыё кіраўнік ініцыятывы “ГейБеларусь” Сяргей Андросенка, ЛГБТ-актывісты маюць права на акцыю і па сутнасці яна з’яўляецца законнай. Але ці пройдзе яна нягледзячы на забарону, будзе вырашацца ў бліжэйшыя дні.
