Сталічныя пенсіянеры купляюць па 10-20 літраў таннага малака (фота)
Перад прывозам прадукцыі Глыбоцкага малаказавода на Камароўцы збіраецца чарга пенсіянераў.
Пажылая жанчына кажа карэспандэнтцы Еўрарадыё, што тут збіраюцца па таннае малако.
“Па глыбоцкае малачко тут стаяць, якога яшчэ няма! І таннае, і смачнае — 4200, 5200... А то і 3300 было паўтарапрацэнтнае малако!”.
Пакуль прадавачка раскладвае тавар, каля прылаўка збіраецца даўжэзная чарга. Малако разбіраюць умомант: бяруць па 10-20 пакетаў паўтарапрацэнтнага малака — па 3300 рублёў за літр. Дарэчы, у краме малако каштуе мінімум 6000 рублёў.