Савет пры Пуціне будзе займацца правамі чалавека ў Беларусі
Пра гэта паведаміў расійскі праваабаронца Андрэй Юраў.
У Савеце па правах чалавека пры прэзідэнце Расіі менавіта ён узначаліў працоўную групу па правах чалавека за мяжой.
У каментары сайту charter97.org Юраў распавёў, што зараз яго задачай будзе стварыць асобную падгрупу па правах чалавека ў Беларусі або хоць бы рэгулярна агучваць гэтую тэму. Праваабаронца плануе неўзабаве правесці слуханні па сітуацыі з правамі чалавека ў нашай краіне.
Нагадаем, што беларускія ўлады забаранілі Юраву ўезд на тэрыторыю краіны.
Фота — tribunatv.org.ua
