Рэктар БДУ: Жартам робім стаўкі, хто не дабярэ студэнтаў
Сяргей Абламейка спадзяецца, што павышэнне неабходнага прахаднога бала на ЦТ не адаб’ецца на прыёмнай кампаніі ў БДУ.
Сяргей Абламейка: “Жартуючы, мы робім стаўкі, хто недабярэ студэнтаў. Невядома, на кім гэта адаб’ецца: на прыватных ВНУ, на класічных, на профільных. Мы спадзяемся, што нас гэта не закране. А там — жыццё пакажа”.
Сёлета БДУ плануе набраць 2048 студэнтаў на дзённую бясплатную форму навучання, без уліку вайсковага факультэта. На платную — прыкладна 2,5 тысячы студэнтаў. Гэта больш, чым удалося набраць летась.
Каб паступіць сёлета ва ўніверсітэт, трэба набраць 10 балаў па рускай ці беларускай мове, 15 балаў — па матэматыцы, фізіцы, хіміі, біялогіі, 20 балаў — па гісторыі, грамадазнаўстве, геаграфіі, замежнай мове.
Фота - Еўрарадыё