Расійскія страты ад беларускіх "растваральнікаў" — 1,5-2,5 мільярды долараў
Такую лічбу назваў міністр энергетыкі Расіі Аляксандр Новак у інтэрв'ю расійскай газеце "Ведамасці".
Па яго словах, якія перадае interfax.by, цяпер Беларусь і Расія актыўна дамаўляюцца пра баланс паставак нафтапрадуктаў на 2013 год. Нагадаем, што нядаўна паміж дзвюма краінамі адбыўся канфлікт, звязаны з пастаўкамі беларускіх нафтапрадуктаў, атрыманых з расійскай бязмытнай нафты, у трэція краіны пад выглядам растваральнікаў. У яго ўмяшаўся нават прэм'ер-міністр Расіі Дзмітрый Мядзведзеў, які заклікаў разабрацца з нафтавымі махінацыямі.
Фота — naviny.by
