П’яны беларускі дальнабойнік затрыманы ў Польшчы
55-гадовага грамадзяніна Беларусі польскія паліцыянты арыштавалі ў мясцовасці Кола.
Перад гэтым беларус, кіруючы фурай, сутыкнуўся з іншым грузавіком на паркінгу, паведамляе інтэрнэт-старонка аддзелу паліцыі ў Познані.
Паліцыянты ўбачылі беларуса, які меў праблемы з утрыманнем раўнавагі пасля таго як вылез з кабіны аўто, і вырашылі яго праверыць алкатэстам. Аказалася, што ён кіраваў фурай, маючы ў арганізме больш 1,5 праміле алкаголю.
Беларус патлумачыў, што хацеў толькі паехаць за цыгарэтамі да бліжэйшай аўтазапраўкі. Такое падарожжа каштавала яму начавання ў паліцыі.
За здзейсненае правапарушэнне мужчыну чакае яшчэ суд.