Прыватныя ВНУ паднялі кошты на навучанне
Год навучання падаражэў у сярэднім на 200 тысяч рублёў.
Пра гэта Еўрарадыё паведамілі ў бухгалтэрыі Мінскага інстытута кіравання.
Супрацоўнік бухгалтэрыі: “Крыху павышаецца аплата, на 200-300 тысяч рублёў. Гэта залежыць ад розных фактараў, гэта звязана з ростам камунальных плацяжоў і з усім астатнім”.
Таксама на 200 тысяч рублёў павялічылася аплата навучання ў Мінскім інстытуце парламентарызму і прадпрымальніцтва.
Нагадаем, напярэдадні Новага году падчас свайго візіту ў Беларускі дзяржаўны ўніверсітэт інфарматыкі і радыёэлектронікі кіраўнік краіны ўстурбаваўся высокімі коштамі на вучобу. Аляксандр Лукашэнка раіў зрабіць літасцівай плату для малодшых курсаў у ВНУ.
Фота — actualitati.md
