Прынцэса Еўропа патрапіла на новую купюру еўра (фота)
Кіраўнік Еўрапейскага цэнтрабанка Марыё Драгі ў чацвер увечары прадставіў узор новай купюры вартасцю 5 еўра. Яна мае лепшую абарону ад падробак.
Прэзентацыя прайшла ў Археалагічным музеі ў Франкфурце-на-Майне.
Як паведамляе ВВС, у зварот купюра патрапіць у траўні 2013 года. Купюры іншай вартасці з'явяцца ў бліжэйшыя гады.
Новая серыя банкнот называецца "Еўропа" — ад імя гераіні міфалогіі старажытнай Грэцыі Еўропы, дачкі фінікійскага цара. Яе партрэт можна пабачыць у якасці вадзянога знака і галаграмы.
Фота — EKP, ЕРА
