Праваахоўныя органы працягваюць паляваць за "Віцебскім кур'ерам" (відэа)

Аб гэтым Еўрарадыё паведаміла лідар грамадзянскай кампаніі "Наш Дом" Вольга Карач. За рулём аўтамабіля ў той момант была журналістка "Віцебскага кур'ера".

Супрацоўнік ДАІ, не патлумачыўшы прычыны спынення аўто, папрасіў журналістку адкрыць багажнік. Затым, спалохаўшыся відэаздымкі, абышоў машыну, аддаў дакументы, а на просьбу прадставіцца буркнуў: "Холаднаў". Пасля мужчына сеў у свой аўтамабіль і з'ехаў.

Нагадаем, што ўначы 13 студзеня міліцыянты затрымалі аўтамабіль дырэктара газеты Віктара Рамнёва. У ім знаходзіўся 10-тысячны наклад "Віцебскага кур'ера". Газета была канфіскаваная, а аўтамабіль затрыманы на суткі.