Працэсінгавы цэнтр не заўважыў, што адключыліся банкаматы

Як паведамляе "Хартыя'97", збой адбыўся пасля 19 гадзін. На працягу некалькіх гадзін не было магчымасці аплаціць пакупкі ці зняць наяўныя грошы ў банкаматах.

У "Беларусбанку" кажуць, што праблемы з'явіліся на серверы Банкаўскага працэсінгавага цэнтра.

Між тым у самім працэсінгавым цэнтры заявілі, што ніякіх праблем няма, інфармуе nn.by.

У суботу большасць банкаматаў працуе ў нармальным рэжыме.