Польшча – за санкцыі да вызвалення апошняга палітвязня
У амбасадзе Польшчы ў Беларусі адбылася сустрэча лідэраў апазіцыі з намеснікам кіраўніка фракцыі “Грамадзянская платформа” ў польскім сойме Рафалам Крупінскім.
Пра гэта Еўрарадыё распавёў адзін з удзельнікаў сустрэчы Вінцук Вячорка
Вячорка: “Гаворка шла пра паводзіны ўлады пасля 19 снежня, пра палітыку аб’яднанай Еўропы і паасобных сталіцаў (у тым ліку Варшавы) перад 19 снежня і пасля яго. І пра пазіцыю беларускіх дэмакратычных сілаў. Дэпутат Крупінскі падкрэсліў, што персанальныя санкцыі супраць людзей, адказных за рэпрэсіі, будуць захоўвацца да таго моманту, пакуль у Беларусі ёсць хоць адзін палітычны вязень”.
Па словах Вячоркі, такія сустрэчы маюць інфармацыйны характар, бакі абменьваюцца інфармацыяй і поглядамі.
