Пасля перамогі над "Віцязем" мінскае "Дынама" ачоліла Заходнюю канферэнцыю
У чатырох гасцявых гульнях каманда Марэка Сікоры ўзяла 8 ачкоў з 12-ці.
У суботу мінскае "Дынама" атрымала чарговую перамогу ў чэмпіянаце Кантынентальнай хакейнай лігі. У Чэхаве наша каманда ўпэўнена выйграла ў "Віцязя" — 4:2 (1:0, 2:1, 1:1). Шайбы ў дынамаўцаў на рахунку Стася, Падградскі, Кулакова і Корса. Двойчы была рэалізаваная большасць.
Дынамаўцы з 32 ачкамі пасля 17 гульняў ачольваюць Заходнюю канферэнцыю. Столькі ж маюць маскоўскія аднаклубнікі, у якіх матч у запасе.
Наступны матч "Дынама" правядзе ў аўторак, 25 кастрычніка, на "Мінск-Арэне" са славацкім "Львом".
