Палітычным уцекачам пагражае экстрадыцыя ў Беларусь?
Прадстаўнікі беларускай апазіцыі апасаюцца такога развіцця падзеяў.
Пра гэта 18 ліпеня на супольнай прэс-канферэнцыі заявілі прадстаўнікі Беларускай хрысціянскай дэмакратыі, “Маладога фронду” і Руху салідарнасці “Разам”. Cярод тых, каго могуць выдаць беларускім уладам, — Андрэй Жукавец, Вячаслаў Сіўчык, Юрась Карэтнікаў.
29 ліпеня ў Беластоку пройдзе чарговае судовае паседжанне па справе актывіста беларускай апазіцыі Андрэя Жукаўца. Ён быў вымушаны з’ехаць у Польшчу яшчэ ў 1999 годзе. Але афіцыйны статус палітуцекача ён так і не атрымаў.
У сувязі з гэтым Віталь Рымашэўскі заклікаў не выдаваць Беларусі тых, каго пераследуюць улады, паведамляе БелаПАН.
