Новым прэзідэнтам Нямеччыны можа стаць праваабаронца Ёахім Гаўк
Яго кандыдатуру падтрымала канцлер Нямеччыны Ангела Меркель.
Па словах Меркель, якія перадае ВВС, Гаўк можа даць важныя імпульсы ў перыяд разнастайных выклікаў і не ў апошнюю чаргу ўмацаваць давер да дэмакратыі.
Дарэчы, Гаўк вылучаўся на пасаду прэзідэнта яшчэ ў 2010 годзе. Аднак тады Меркель аддала перавагу Крысціяну Вульфу. Ён, нагадаем, сышоў у адстаўку ў пятніцу: апошні час Вульф апынуўся пад агнём крытыкі з-за абвінавачванняў у злоўжываннях належнымі яму ільготамі.