Новы суд над Змітром Дашкевічам пройдзе 28 жніўня
Лідара міжнароднай арганізацыі "Малады фронт" (Чэхія) будуць судзіць у папраўчай калоніі №13 у горадзе Глыбокім.
Як паведамляе прэс-служба "Маладога фронту", паседжанне суда будзе закрытым.
Нагадаем, маладафронтаўцаў Змітра Дашкевіча і Эдуарда Лобава затрымалі 18 снежня 2010 года, напярэдадні выбараў прэзідэнта. Іх звінавацілі ў збіцці двух мінчукоў. Дашкевічу прысудзілі два гады пазбаўлення волі ў калоніі агульнага рэжыму.
У глыбоцкай калоніі на яго пачалі новую крымінальную справу — за злоснае непадпарадкаванне патрабаванням адміністрацыі. За гэта Дашкевічу пагражае да года пазбаўлення волі. Цяпер маладафронтаўцу застаецца адбыць меней за пяць месяцаў пакарання.
