"Наша ніва" перадала супрацоўнікам КДБ копіі фота- і відэаматэрыялаў
"Ператрусу ў нас не было. Яны папрасілі падзяліцца фота- і відэаматэрыяламі ўчорашніх падзей. Мы перадалі ім копіі", — паведаміў супрацоўнік газеты.
Газета "Наша ніва" перадала супрацоўнікам КДБ копіі фота- і відэаматэрыялаў з месца выбуху ў мінскім метро. Пра гэта БелаПАН паведаміў супрацоўнік газеты Алег Гардзіенка.
Нагадаем, сёння ў офісе рэдакцыі газеты пабывалі супрацоўнікі КДБ. Як паведамляе "Наша ніва", аператыўнікі спецслужбаў пагутарылі з галоўным рэдактарам выдання Андрэем Скурко.
