NASA: сутыкнення астэроіда Апофіс з Зямлёй у 2036 годзе не будзе
Шанцы, што яно адбудзецца, складаюць цяпер менш аднаго на мільён.
Пра гэта заявілі спецыялісты лабараторыі рэактыўнага руху NASA. Раней гэтая падзея, якая магла прывесці да выбуху сілай у некалькі соцень мегатонаў, лічылася верагоднай.
РІА "Новости" нагадвае, што пралёт Апофіса адбыўся 9 студзеня на адлегласці ў 14,46 мільёны кіламетраў ад нашай планеты. На падставе дадзеных, атрыманых падчас назірання за астэроідам, была і зробленая выснова пра перспектывы сустрэчы з Апофісам у 2036 годзе.