На мяжы з Польшчай — вялікія аўтамабільныя чэргі
Заторы ўтварыліся ў пунктах пропуску “Брузгі” і “Бераставіца”, паведамляюць у Дзяржаўным памежным камітэце.
У бок Польшчы на гэтых пунктах стаяць па 200-500 легкавых машын. Пры гэтым беларускія памежнікі ўжо аформілі прыкладна 60 машын, якія чакаюць афармлення на польскіх пунктах.
Гэта можа быць звязана з узмацненнем мытнага кантролю з польскага боку. У кожным разе Дзяржаўны памежны камітэт рэкамендуе кіроўцам як мінімум улічваць інфармацыю пра чэргі, або ўвогуле адкласці паездку, інфармуе БЕЛТА.
