На "Фукусіме-1" зноў адбылася ўцечка радыёактыўнай вады
Яна адбылася праз дзірку ў трубе ачышчальнага збудавання.
Уцечка вады з радыёактыўным стронцыем была спынена толькі праз гадзіну. Колькі яе патрапіла ў акіян, пакуль невядома, паведамляе РИА "Новости".
Нагадаем, аварыя на японскай АЭС "Фукусіма-1" з-за цунамі адбылася 11 сакавіка мінулага года. Яе наступствамі сталі ўцечкі радыяцыі ў ваду і атмасферу. Населеныя пункты ў 20-кіламетровай зоне былі адселеныя.
