Мытны саюз дазволіць увозіць тавары на суму да 10 тысяч еўра
Новыя нормы будуць прынятыя на пасяджэнні камісіі Мытнага саюза ў ліпені.
Мытны саюз дазволіць увозіць на сваю тэрыторыю тавары на суму да 10 тысяч еўра без выплаты пошлін. Аб гэтым піша газета "Ведомости" са спасылкай на ананімныя крыніцы ў камісіі Мытнага саюза.
Цяпер у Беларусі, Расіі і Казахстане дзейнічаюць больш жорсткія абмежаванні. Пошліну ў памеры 30 адсоткаў ад кошту (але не менш за 4 еўра за кілаграм), прыходзіцца плаціць за ўсе тавары, якія перасякаюць планку ў 1500 еўра.
Па дадзеных "Ведомостей", новыя нормы будуць прынятыя на пасяджэнні камісіі Мытнага саюза ў ліпені. Названыя абмежаванні тычацца толькі ўвозу тавараў паветраным шляхам і толькі фізічных асоб.
