Мытнікі на ўкраінскай мяжы ператрэслі аўто праваабаронцаў
30 верасня ў пункце пропуску “Новая Гута” завярнулі на дагляд аўтамабіль сям’і грамадскіх актывістаў Сержука Семенюка і Ірыны Смяян-Семянюк.
Сям’я вярталася з Украіны, дзе на выходных наведвала сваякоў, паведамляе spring96.org.
Як паведаміла Ірына, каля паўгадзіны іх проста трымалі — напэўна, не ведалі, што з імі рабіць. Пасля супрацоўнік мытні Пётр Хамутовіч са словамі “мы ж не ведаем, дзе вы раз’язджаеце” паведаміў, што іх аўтамабіль будзе падвергнуты дагляду.
Дагледзелі не толькі аўтамабіль, але і ўсе асабістыя рэчы Ірыны і Сержука, склаўшы акты дагляду. Нічога забароненага мытнікі не знайшлі.
