Мінскі спецназ пераканаў Назарава папрасіць прабачэння (відэа)
Цяпер міліцыя правярае яго дзеянні на наяўнасць адміністрацыйнага правапарушэння.
Галоўнага трэнера хакейнага клуба "Віцязь" Андрэя Назарава падазраюць у дробным хуліганстве.
Нагодай сталі паводзіны Назарава на матчы з мінскім "Дынама" 6 лістапада. Тады расійскі трэнер спрабаваў пабіцца з беларускімі заўзятарамі і, кажуць міліцыянты, нават зламаў чатыры хакейныя клюшкі. Па словах ахоўнікаў парадку, Назараў не супакоіўся, нават калі сыходзіў з "Мінск-Арэны": ён нецэнзурна лаяўся і паказваў непрыстойныя жэсты.
Ужо ў гатэлі "Вікторыя", дзе размясцілася расійская каманда, Назараву паведамілі, што ён парушыў беларускае заканадаўства. Галоўны трэнер прынёс свае прабачэнні прысутным спецназаўцам, а таксама запісаў відэазварот.
Фота: s.sport-express.ru
