Маладзёжная зборная Беларусі па футболе прайграла Даніі
У другім матчы групавога этапу маладзёжнага чэмпіянату Еўропы па футболе ў Даніі зборная Беларусі прайграла гаспадарам — 1:2.
Беларусы першыя адкрылі лік — вызначыўся Дзмітрый Бага. Аднак у далейшым на полі цалкам дамінавалі футбалісты зборнай Даніі, якія атрымалі валявую перамогу.
Становішча каманд: Швейцарыя — 6 ачкоў (розніца мячоў 3-0), Беларусь — 3 (3-2), Данія — 3 (2-2), Ісландыя — 0 (0-4).
У рамках заключнага тура 17 чэрвеня пройдуць матчы Швейцарыя — Беларусь і Ісландыя — Данія. Дзве лепшыя каманды групы выходзяць у паўфінал.
