Лукашэнка: На ўвядзенне мараторыя на смяротнае пакаранне сам не пайду
Дэпутат Мікалай Самасейка задаў пытанне, ці не падыйшла Беларусь да магчымасці ўвядзення мараторыя на смяротнае пакаранне?
Аляксандр Лукашэнка адразу адзначыў, што сам ён ніколі не пойдзе на ўвядзення мараторыя, бо "ведае настроі людзей". І прывёў прыклады некаторых суседзяў, дзе смяротнае пакаранне адмянілі, а цяпер, нібыта, шкадуюць.
Аднак, у канцы адказу на пытанне Лукашэнка адзначыў: "Магчыма, наша грамадства і падыйшло да таго, каб увесці мараторый ці адмяніць смяротнае пакаранне".
Нагадаем, сёння Аляксандр Лукашэнка выступаў з Пасланнем да Нацыянальнага сходу і народу, пасля гэтага адказвае на пытанні дэпутатаў.
Фота — bymedia.net
